我今日做咩黎呀

日日番工都期待有唔同既野發生(當然唔好係大事啦!)

好似今日咁
自己抵死, 琴日下就一黎咁整5個TRAINING
點知....
原來不停講野45分鐘係會好累啦
再不停被問問題都係好累啦
而且我以後上堂都會乖, 唔傾計, 唔恰眼訓
其實恰眼訓我FEEL都OK既, 一定係因為我未夠班好悶
但係傾計就真係頂唔順
佢又講, 我又講
佢就講到好大聲, 我又要大聲D, 真係唔想大大聲話佢
所以我明白以前番學老師點解叫我地上堂唔好傾計!

一定係我以前傾得太多
而家自己受番!!!

好啦, 琴日自己種下既根
今日我來既果

有5個TRAINING
每個TRAINING36份卷
我今日做左改卷專員, 勁呀呢

改完卷仲要PHOTOCOPY一份一份FILE番去
整靚每個人既FILE

呢個就係我既工作之一啦
我樂於製作MATERIAL
不過唔樂於FILING, 好累啦

下次都係分開幾次黎TRAIN
我會猜咁累!

我覺得講足咁多年書既老師太利害啦!

巴士奇趣

我日日搭巴士, 發現左有以下幾個情節(如果我識畫畫我一定畫佢出黎!:

情況1:
相信香港冇咩幾多個人係冇試過迫巴士既!我就日日迫, 朝朝迫! 由於我屋企附近個巴士站就係尾站,所以個個誓死都要迫到上架巴士度, 無論用咩方法都好!!! 我呢排發現有個年約40幾既呀珠媽(佢真係好似韓劇入邊街市賣野既呀珠媽架!), 每一日都係大家上晒車, 搵好自己個地盤既時候,佢就ZIP上黎, 佢仲要係大字型咁"FU"住個落客門咁ZIP上黎, 佢仲覺我好好意思架, 咁樣大家都要重新再砌過晒D位啦!

情況2:
唔知係咪因為自己身邊多左有BB既準MAMI, 所以特別留意同希望可以體諒佢地! 當番工時間,架巴士好迫既時候, 要一個大肚婆迫上巴士已經唔係一件易事,仲要係佢好不容易行到去D"闢愛"位附近, 頂住個肚都冇人讓座架! 唔知係D人唔識睇字定係D人唔識睇圖!如果係外國, 唔讓座既人一定會比人由上車罵到落車呀! 我深信因果報應架, 所以我一定讓座比有需要人士, 因為我怕第時自己有BB OR 老左冇得坐呀!

情況3:
大家習慣一上車就聽歌,篤電話, 所以好多時都去到忘我既境界! 當有人要落車既時候, 後邊個個嗌破喉嚨講"小姐, 唔該借借呀!" (係呀, 多數都係小姐架, 唔知點解)都冇用!

情況4:
當我好好彩迫到上巴士之後, 就當然係搵個有利位置, 而我就每一日都求神拜佛 finger cross晒咁希望唔要企係D好冇安全應既位, 點叫好冇安全感既位呢, 就係D周圍都冇野可以比我"FU"到既位...由於我係一個超級冇平衡力既人, 咁樣我係會好樣衰咁跌落人地度, 咁樣係D靚仔面前好失禮GA MA (我架BUS去中環,朝朝都有幾個幾OK架!), 如果真係咁唔好彩, 我會用可憐既眼神周圍望,睇下有冇人會同情我,通常都有既!

情況5:
係發生係呢兩日架!!! 日日都有個呀嬋跟我尾上車架! 而佢呢, 唔合點解每次都係同我一樣企門口位架! 因為人多,真係好迫, 所以第一個站落車, 都要企門口位置既人落一落車讓人落左車先既, 而我就好乖咁諗住落左車等大家落晒車諗住可以有番好少少既位企, 等我係下一個站唔洗再落車(我要第三個站先到), 點知當我上番車既時候, 個個呀嬋企左我個位!!! 仲要迫到我差唔多去門邊!!! 真係火到黎, 佢唔禮讓不特止, 仲要企左我個位! 我並不是善男信女, 用狠狠既眼神望住佢!!! 佢今日終於望到我既眼神啦! 最後讓番個位比我! 聽日唔好再比我見到佢!!!

其實仲有幾個情況, 不過已經好夜, 我都眼訓啦, 講住咁多先!
我好多時都係度發夢, 到底我要搵幾多一個月先可以自己揸車OR打的番工呢?

我今日做咩黎呀

 

日日番工都期待有唔同既野發生(當然唔好係大事啦!)

好似今日咁
自己抵死, 琴日下就一黎咁整5個TRAINING
點知....
原來不停講野45分鐘係會好累啦
再不停被問問題都係好累啦
而且我以後上堂都會乖, 唔傾計, 唔恰眼訓
其實恰眼訓我FEEL都OK既, 一定係因為我未夠班好悶
但係傾計就真係頂唔順
佢又講, 我又講
佢就講到好大聲, 我又要大聲D, 真係唔想大大聲話佢
所以我明白以前番學老師點解叫我地上堂唔好傾計!

一定係我以前傾得太多
而家自己受番!!!

好啦, 琴日自己種下既根
今日我來既果

有5個TRAINING
每個TRAINING36份卷
我今日做左改卷專員, 勁呀呢

改完卷仲要PHOTOCOPY一份一份FILE番去
整靚每個人既FILE

呢個就係我既工作之一啦
我樂於製作MATERIAL
不過唔樂於FILING, 好累啦

下次都係分開幾次黎TRAIN
我會猜咁累!

我覺得講足咁多年書既老師太利害啦!