想起的回憶

好多時唔提就會以為自己OK

就會以為自己真係拎得起放得底

 

但係每每一點點的蛛絲馬跡都可以帶動所有既神經

只要一個氣味

一句說話

一個地方

一首歌

 

都可以令你以為自己唔記得既野出番晒黎

 

一個人的愛情 很簡單
兩個人的相愛 為什麼反而變得很難
我受夠我的愛你比較多
也受夠你的愛沉默很久
承諾太多 多少會錯
你寧願難過也不要有結果
我受夠我的愛你比較多
倒不如回到從前的自由
說好放手 誰先開口 沒有對錯
反正花開了終究會落
你說 誰說 我說 我不愛了
胡說 瞎說 我習慣了

一個人真係好容易, 兩個人就變得複習好多

所有既PROMISE都係一個記憶, 而家有一點點不可信

 

想番番以前既自由? 我覺得自己有D難呀!

可能我係可以既, 不過慢慢比D時候我, 搵番一個人時既感覺

 

謝謝"聽爸爸的話"令我再次諗起你

叫我點樣可以忘記呢

一個人係你既生命出現過, 呢個係永遠既記憶





我，生日快樂

長大了

好開心成日都有你地陪我過生日

每次有你地既出現

我都會笑飽多過食飽

我真係呢個世界最幸福的女孩子!

 

謝謝姐姐一起身去搵我既FROZEN Birthday Cake

應該只有你先會明白點解今年我要一個Forzen birthday cake

沒有你, 都希望仲有少少回憶

 

謝謝我既同事

我地咁忙既moment, 都仲有時間一齊切cake,  一齊許願

我好幸運可以有一班咁好既同事呢3年都同我慶祝!

 

我下年會記得等你許完願先BLOW CANDLE架啦!

今年既生日好開心even no more promises

 

Happy Birthday to me!

你好嗎?我很好!

11月

我稱之為我既月份

自我識性以黎, 最鐘意一年當中既11月, 之後就係12月

因為11月係我黎到呢個世界既月份, 所以變得色彩!

 

以前我冇咩諗過11月有咩特別, 只係覺得自己生日

所以喜歡

 

自從係澳洲讀書之後

令我既11月變得更美

因為一到11月

好多路既兩旁都會變成咁

我覺得佢比櫻花更加要美!

只有係11月出現

而且出現既時間都真係只有2星期到

因為樹上既花會被風吹走

係風和日麗既11月, 行係紫色樹(正名:Jacaranda Tree)既旁邊, 太美妙啦!

 

曾經有人一見到就會影底比我睇

我都曾經約定過人明年一起去睇一次

 

呢幾個月我好好, 而定都好期待咁等緊自己既生日

你好嗎?

寶貝兒

我既寶貝兒番左香港呀!

就係我既(契)女

 

佢真係人見人愛架

見唔到媽咪的話, 佢都算痴我既

 

一眼訓就係呢個樣

都係一隻好奇妹

一見新奇既野就眼金金咁望住!

仲好為食(我鐘意為食BB!)

食野好快架, 仲會搶住黎食架!

 

最感動一刻就係

當佢驚既時候, 會要人抱

會好似隻樹熊咁由你隻腳開始夾住你

唔通真係因為你係澳洲BB?

 

多謝寶貝你帶比我既快樂!

你得閒哄下JOE MAMA開心就得架啦

 

你有時令我諗起SEVEN

 

JOE MAMA出年番澳洲搵你!

等我呀!

My 2nd Big Day

苦讀兩年

我畢業啦!

 

多謝屋企人既支持!

仲有公司比我可以唔洗OT走去番學!

仲有一班好同學仔, 我先可以咁順利完成

真係比D degree時更順利!

 

講真...一邊番工, 一邊讀書, 真係同全職讀書好唔同

最少做功課同溫書時間唔多夠好

有時放工好累都要番學

所以唔好睇少我地既努力呀!

 

亦都好多謝全屋企人呢日後參加!

 

香港既畢業禮同我係澳洲時既畢業禮真係好唔同

可能唔係第一次, 所以冇咁感動

而又知道唔洗離開呢個地方

 

不過我都好珍惜呢個機會!

因為我唔再讀書啦!!!!

 

P.S. 6月既時間, 我已經希望你可以出現係我人生既其中一條彩虹度, 估唔到我地係等唔切, 我好掛住你呀!

 

P.P.S 爸爸話呢個係我既生日同畢業餐! 全部都係我既(屋企人)既!!! 多謝XO

 

 

 

香港人

大學last year個一年，我有機會去south Africa

帶幸可以見到Nelson Mandel既銅像

當時不以為然，只係銅像下拍照

表示到此一遊

但我地而家香港發生既事

我地想要既野

係咪同佢地爭取既野係差不多呢

人地用左多年既努力

經過幾多辛勞先有自已想要既野？

所以我地而家香港算得咩

人地佔中

阻住你番工咩？我唔覺得有

佢地有冇破壞任何野？冇

大家都知道政府係要做野

但係唔好太over

大家都係香港人

大家都係想要我地既最後自由

所以個D反佔中人士

大家有不同立場，但都唔好去痛罵任何人

難道爭取到好既野，你地冇份享受麼？

P.S.人人都有自由做自己想做既野

不過今日好反感我呀姐既態度，同事請自己假去做自已想做既野，都要你管？

人地自已屋企人都未反對！

如果你真係覺得香港咁好，就唔好送走晒自己既仔女

唔好係外地買樓，留番係香港吧！

一生一世

咩野叫一生一世?

應該冇人可以解釋到比我知

因為如果真係咁易知道咩叫一生一世

就唔會有咁多外遇, 咁多閃離啦, 係咪?

 

不過

我鐘意"一生一世"呢套戲入邊既一句

"愛過就是一生一世"

當時呢套戲係可以咁解釋

因為男主角最後係死左既

對於佢地兩個, 佢地既關係真係一生一世啦

 

而我地呢

我地愛過嗎?

係, 我地愛過的! 最少係有那麼的一點時間

 

我地有好多唔同既經歷

你帶左我去好多我未去過既地方

直到而家, 每次唔小心經過

我都會諗起你

每次食番你同我食過既野, 都會以為你陪緊我食

 

而我亦因為你, 去做左好多我以為自己一定唔會做既野

我以為自己唔會睇"村上春樹"既書

我以為我自己唔會再玩機動遊戲

我以為我地唔會自己飛去搵你

我為你而改變自己既作息時間

我以為自己唔會為韓國日本著迷

我以為自己唔會去切PUZZLE

我以為自己唔會玩LEGO

原來好多野以為自己唔會去做

但我不知不覺間為你而做左

 

曾經我覺得我地係連埋一齊

而且會不約而同鐘意同一樣野

被照顧被愛是多麼的幸福

你令我不知不覺依賴著你

都唔知幾耐冇依賴一個人到呢個地步

 

我本來希望我地咁樣落去一生一世....

 

你有冇唔小心會諗起曾經有一個我出現係你生命中那麼一段時間?

 

 



你

記得我地有一次同遊日本既時候

我地早起出去

剛巧遇上上班時間的池袋

你不停咁把你見到既日本上班族既形態話我知

又分享以前你係日本工作既事
分享你以前係日本讀書既趣事

雖然個陣我好眼訓

但都樂在其中聽你講

我鐘意聽由你眼裡睇到既人和事

我鐘意你同我分享你兒時既事

 

由個一刻起

我發現原來我地都鐘意觀察我地身邊既事物

不過你真係好靈敏

有時真係覺得你係HERO入邊可以READ人地MIND個個人

 

人真係好奇妙

當你習慣左一樣野之後

你就會發現, 你不自覺咁做同一樣野

唔知由幾時開始

我好鐘係上下班搭車既時候去留意身邊既人

 

而係呢個過程
我試著係唔同既人身上找回你既感覺及氣味
你每一日出門一定噴香水
你從來唔會係車上睡著, 反而一有時間就叫我訓一陣
你會避免係我面前玩電話, 要珍惜我地既時間
你那可靠的身高, 令我有安全感
你給予我那被保護既感覺, 我時時刻刻都可以安心睇我想睇既野唔洗認路

你..而家又見到咩野呢?
 



人月兩團圓

月亮節快樂！！！

今日係大家好重視既中秋節

最少我公司係

因為可以早放，平時都冇咩節日會早放的

記得以前讀書人在外國

真係冇咩氣氛

最多係成班同學黎我屋企食飯（平時都會黎的）

跟住食下月餅，會自己整下冰皮月餅，因為買貴呀！

有一年我地係朋友屋企門前玩煙花仔 （個陣我仲住緊homestay的）

有Oz行過，以為係我地既new year，同我地講左happy new year

係HK反而冇咩野會做

長大後

好似節日唔屬於我

細個都會煲下"立"，玩下燈籠

最記得有一個玩意係用個木衣夾夾住個鐵既氣水蓋後整溶D"立"

D氣水蓋要平時儲定，如果唔係唔夠玩！

有時仲會食完飯去沙灘玩

係婆婆屋企食飯一定有好多生果食

個陣細個好似唔識飽咁架！

而家係咩都冇

只係記住番屋企食飯就夠啦

no expectation, no disappointed

我願每一個節日都可以同健健康康既屋企人食飯

最好就多D family member，媽咪會更開心

P.S.今晚都可以見到大大個月亮，不如天文台咁講唔好天

唔知韓國既月亮係咪一樣咁圓，聽講中秋節係韓國既大節日，你會點過呢？

你比我還更清楚我

同你一齊既日子唔算太長

不過你就已經知道晒我既習慣

 

我鐘意夜一夜都唔訓, 比你係MESSAGE度我去訓

我唔洗出聲, 你就估到我想食咩

我想做一條懶虫既時候, 你總會做一隻WORKING HARD BEE去幫我

就算我點扮, 你都可以知道原來我係唔開心既

我只係講過一次我唔鐘意既一樣野, 你就知道晒我所有唔鐘意食既野

我唔洗講, 你就會知道我凍定熱

出門時, 怕我唔記得拎既野, 你一早就為我準備好

即使有時我自己都未諗到既野, 你已經為我準備

我累我眼訓既時候, 你一定會借你既SHOULDER比我

雖然有時你唔係拖住我, 但你總會搵得到我
只有你知道, 我對聲音特別敏感, 每次都總會安慰我

夜晚訓覺, 你一定會攬住我等我訓左先

我從來都冇向你SAY NO, 因為你做既野全部都係我想要既

 

呢D就係我同你既習慣

我估呢D習慣只有你同我先有

唔係人人都可以有你咁強既觀察力

都唔係人人可以做到你咁, 咩都幫我搞掂晒

你實在照顧得我太好啦

我以後又點樣可以搵到另一個比你更好的

 

多謝你

你令我不知不覺間成為公主

 

祝你永遠都有開開心心既日子

唔好再放心事係心入邊

 

 



好朋友的大日子(獻出第一次伴娘)

8月30日

大家都等左一年既大日子!!!

 

前一晚唔止新娘子訓得唔好

就連我地都訓得唔好呀!

不過都不減我地今日既精力

可能因為開心事, 整個過程大家都唔覺得累!

 

我地一早6:30就到左新娘子屋企扮靚啦

我今日展開香港一日遊!

 

扮好靚當然搵個妹黎影相啦!

呢個妹好乖, 成日搵我地拖住佢

又拎水比我地, 愛死佢啦!

 

先黎同新娘子影個大合照

跟住我地就落樓去玩兄弟啦

係呀! 我地D GAME都幾變態架!

不過開心呀!

 

食完個LUNCH之後

我地就趕去伯大尼行禮

就算趕D, 我覺得係值得架

睇下, 幾靚

個一刻仲要好感動!!!

當然唔少得拋花球啦

花球唔係我得到的!!!

 

黎個大合照

 

之後就趕D鴨仔上車

大家分道揚鑣咁去番尖沙咀

 

間酒店都好靚架!

花心思既decoration

仲有大量靚到冇人有既pre-wedding

真係令人羨慕呀!

 

影完一輪相之後

我地一PAIR一PAIR既MARCH IN去迎接我地既新人

 

TOAST完

大家開始食野

而我就去陪新娘去扮靚啦!

 

睇下

我既朋友幾靚

成個公仔咁呀!

 

一齊開開心心敬完酒

 

就同大家講再見啦

 

完美既一日就咁就過去啦

 

整日都過得真係好快!

不過係開心!

完左成件事先識累呀!

我地人人都工作左OVER20個鐘! 係咪好叻呢!

 

今日總算係冇咩甩

 

祝佢地永遠幸福, 就好似佢地既誓詞一樣!

我的第一件蛋糕

蛋糕

蛋糕時時都有得食係咪？

但係呢件唔同既

唔係自己買比自己氹自己開心既

呢件係D實習生既老師買比我地食架

感覺就好似爸爸媽媽送自己既仔女黎讀書

而家差不多畢業啦

佢地就黎一個"謝師宴"

原來佢地不經不覺就黎左我地度4個星期啦

由開娛慢慢教佢地做野

怕佢地多野做

怕佢地唔鐘意呢份工

到而家佢地就快要走啦

突然覺得自己長大不少！

蛋謝佢地比機會我！

以前幫小朋友補習都冇咁大感覺

祝佢地前程似錦！

今日件蛋糕特別好食既！

捨不捨得

呢兩日番工好似搬屋咁

每日pack箱半日

仲多野過個陣由perth番HK呀！

今日終於黎到啦

係度做左3年

見住對住既野會被拆

而且遲下仲要雙手呠送走佢地

有D仲係望住佢轉變

有D用左好多方法去幫佢沖涼，做validation

而家話拆就拆

話搬就搬

所以我地幾個做得耐少少既

就想好好同佢地道別

我成日會把所有野幻想成卡通咁

（係呀！以前既佢都話以為有D野只會係卡通度發生，居然係我身上見到！）

我覺得佢地都會唔開心

同埋從來未試過入cleanroom可以咁free（殊！知道我做咩都唔好講呀！）

好！我地今年就送舊迎出年既新！(係！我都要送舊迎新！）

相信你地會有更好既主人架！

真心的笑？

當一個人對住你笑，你會諗起咩？

係咪覺得個個人出於善意對你打招呼呢？

係咪覺得個個人好開心？

係咪覺得個個人好善良？

係咪覺得個個人一定係一個開心既人？

係咪覺得個個人係一個幸福既人？

其實

每個人既笑容背後都有住不同既意思

例如⋯⋯

有人會笑住去串無

有同事或上司笑住跣你

有人會笑住講你壞話

如果語言唔同仲衰，可能會用緊另一個語言去罵你

（hehe⋯⋯我認我以前住homestay時有做過！）

當然我地點諗都要think positive既

但⋯⋯

有時一個人成日笑

其實佢內心唔係真係咁開心

佢既笑容係用黎話人知佢冇唔開心，絕對唔洗擔心佢

佢永遠係一個happy girl

呢類人往往先係最令人擔心

因為你度遠唔會知道佢幾時係真既開心

幾時係假既開心

因為佢唔開心都唔會比你知

只會放係心中

當冇人既時候都唔敢大聲喊

maybe he or she wants to cry like a baby

but just feel like...it will disturb people

so....keep tearing in the deep of the heart and put the big smile on the face time by time

長期落去

he or she loses the ability to cry

so people will never feel his or her sadness

god damm it!!!

但一個人既唔開心

總比整個世界都因為你既唔開心而變灰

時間真係可以帶走一切嗎？

等一個人咖啡

呢排唔知點解有咁多呢D好SAD既戲

今日睇左佢

雖然真係唔係太鐘意係中間夾左太多既搞笑位

但整個故事係好睇既

兩個人相遇都係要一個巧合

兩個人相遇都係緣份

有時失去先知咩叫最好

我地一直都係等一個人既出現

我好似等到，但又唔知去左邊

今日又睇到一段文

有時候，希望時間為自己停下，做完己還沒來得及做的事情。

有時候，想一個人躲起來脆弱，不願別人看到自己的傷口。

有時候，夜深人靜，突然覺得不是睡不著，而是固執地不想睡。

有時候，走過熟悉的街角，看到熟悉的背影，突然就想起一個人的臉。

有時候，發現自己一夜之間長大了。有時候，聽到一首歌，就會突然想起一個人。

有時候，發現自己一夜之間長大了。有時候，聽到一首歌，就會突然想起一個人。

有時候，常常在回憶裡掙紮，有很多過去無法釋懷。

呢幾句都係由文章中copy出黎的

經常以為自已唔會受傷

點知就係不知不覺間就受傷了

而且仲唔係3,5,7日可以好番既傷

幾時先可以好番？

中國7夕

今日係中國既情人節

有時我覺得好多中國既節日係比較有意思

同埋背後既故事係比較感人既

相傳自南北朝起，農曆七月七日是天上牽牛星與織女星一年一度相會的日子，俗稱「七夕」。逐漸也成為中國的「情人節」，情人在這一天互贈信物結緣，兩情久長綿延。

睇下

個故事幾咁慘

雖然佢地比人分開左

但都仲掛住大家

每一年既同一日都會就得去見大家

唔知係咪咁樣會更珍惜大家呢

如果比我可以揀

我都希望有一個咁既男人

一年到晚都會記住自己

而又唔洗成日見

一見就會好珍惜每分鐘

只要知道佢心中有我就夠啦

之前係日本過左一個日本既7夕

真係好開心

多謝待曾經擁有！

機會要好好握緊

由5月起

我對住好多唔同既挑戰

我都好努力去做到最好

其實我覺得每一樣野都係lead住我黎行

只係行既過程我去選擇捉唔捉緊每一次既機會

我發覺我變得更加熱愛自己既工作

唔知係咪我想證明比人知我唔再係溫室中既小花

我已經由唔知幾時行出左個溫室

可能比我自己想像更早

而家番工可以唔理幾時放工都冇所謂

比起以前，真係好想快D放左工番屋企

我鐘意多D野做

請用工作黎壓死我啦

呢個係我而家所希望的

今日聽到呀姐第一個諗起我

跟住就有口難言咁諗唔到更好既人既時候

唔知點解個心好開心

覺得好似呢3年帶D成績咁

所有係生命出現既機會

其實都係真係要自己好好把握

你唔可以控制有咩野走進你既生命

但絕對可以學會珍惜同捉住每一個機會

可能會覺得你捉住既野唔係最好

但係可能無放開左就唔會遇到更好

既然我應成做呢樣野

我會努力做到最好架

比一年時間自己！！！

命運

命運

我好相信命運架

 

係我岩岩畢業個陣

我真係去睇過命

雖然自己已經為自己揀左條路

當時只係想CONFIRM自己係咪揀岩

 

當然

最後都係跟住自己鐘意既路去行啦

 

最近我又係度諗

其實呢個世界真係好奇怪既

 

例如馬航

睇到好多報導, 真係令人....

有D空姐可以避過上一次既空難, 卻踏上今次既航班

有人就因為OVER BOOKED, 所以幸運地安全

 

真係有時有D野係命中注定

 

就好似係茫茫人海都可以遇到唔同既人

我仲好好彩咁係唔同既地方, 有唔同既人

真係好幸運呀我

 

所以我成日都講

真係當你身邊有咩事物及人既時候

真係好好好珍惜

一定要用盡一切方法去捉緊, 唔好話放手就放手

因為好多時真係唔知自己下一秒會有咩事發生!!!

 

P.S. 今日番工有一個奇怪既電話

一聽到佢就講"老婆, 你係邊呀?"

真係有一下獨動左

我都希望我可以答到佢

想當年

轉眼間，就到左大家暑假

記得自己最後一個term break係要去做placement的

當年因為做placement個間公司既supervisor係識既

所以吾緊張

而且大家都對我好好

連運輸同production line既叔叔對我都好好

所以要感恩，我一直都遇到好人

今日

我已經做左大姐姐啦

我地公司今年都有placement既同學

見到佢地，就好似見到以前既自己

第一日留工咩都吾知

對所有野都好好奇

好熱血架（而家都係）

所以我對佢地好好

因為我希望佢地做完呢個summer真係有得著架

之後會喜歡自己揀既路

好似我咁

我冇後悔自已揀既工

而且仲好enjoy，如果吾係吾會入行啦！

我就係希望佢地都會係咁！！！

跟我個個dee dee真係好乖，我會比心機教佢野架！！！！

P.S.沒有你　還是愛你 

同在這裡再呼吸這空氣

今日不停loop呢幾句歌詞⋯⋯

有沒有....

過去兩日既冷淡令我不安

我安慰自己, 你只係忙

今日你一句不合適

所有野都完結了

點解我地唔試下去傾去解決先完結呢

我覺得任何事都可以解決到的

你係咁遠, 我見你唔到, 摸唔到

我真係好難估到你諗緊咩

明明我地就有一個好開心既假期

各自番到工作岡位上

我知大家都好忙

但係我地都可以作出合適既安排架

係茫茫人海當中

我地搵到大家 (我地大家都知道, 我地搵到大家係唔容易既事)

命運把我地放埋一起

點解話分就分呢

而愛情

不嬲都唔係一開始就可以十分夾

要時間去經營, 要經過時間去磨合

你話你希望我做到你條虫

當我正努力時...

我知道你好堅持自己既決定既人

所以我明白到

絕對沒有轉灣既變數

但我知道你愛過我就夠

Cannot miss any Family Dinner

過去三星期，每一日都好夜放工

原來我都會想家的

每一日放工最想做係咩？

吾係訓覺（我以為我係）

而係好想快一點點番屋企，睇下媽咪留左咩送比自己

有時番到屋企仲會偷懶，死都吾肯自己夾飯盒

因為覺得比媽咪Take care好幸福呀！

就好似今日咁

食左個世紀飯，我已經由6年前冇諗過可以再咁樣食飯

今晚餐飯⋯⋯我地吾再care有多美味

我地care個份情

希望呢個係一個好既開娛

我真係好希望可以多一點飯聚

有一點點回到小時候

婆婆還在的時候

所以無論幾忙都好，記得識番屋企食飯呀！

留到屋企幾忙都好，都會有人比無依靠！

我們的歌

係我同你既歌!

我會永遠記得佢!

 

愛我請留言

呢套戲，我睇完好有感覺呀！

因為一邊睇就好似睇緊自己咁！

我都成日CHECK佢有冇睇到我既MESSAGE呢

點解明明有時間都唔REPLY我架！

係呀！女仔就係咁，吾係因為你花心

而係我地冇安全感呀！

當你識自己比MESSAGE我既時候

我就開心到死

你既一句說話可以令我開心半日

而又係你既一句說話可以令我去HELL

經過同你既危機之後，

我明白應該點樣同你COMMUNICATE

我都學識放手

有時註定係我既，冇人拎得走

註定吾係我既，點樣都吾會番黎

呢個星期我覺得好大壓力呀！

日日番工好似趕住去邊咁

日日番工就係開心，打MINUTES，整TRAINING，出問題，趕文件

為左可以係放假之前做好D野

我發現真係趕得好辛苦呀！

希望係值得，我想要一個開心又浪漫既假期！

常在心

 

就算係幾遠都好

 只要係記住大家

只係心中有你

幾時都會見到你

 

只要見到雪影

 只要見到我呢排醉心既櫻花

就會諗起對方

既然我咁多朋友都係遠遠都記得大家

我地都可以維繫到

點解我同你唔可以!

 對

心中有你

去到邊都有你

令我今個春天充滿櫻花

好!

我聽日就去日本追櫻!

希望出年可以去韓國啦!

處處都可以意想不到

好多時做野做到悶既時候

我都會Fage out

諗番起以前既生活

今日晏就做做下野

就諗起以前讀書放學去supermarket買野番屋企

跟住係廳享受下太陽

而又唔會濕濕lup lup, 唔會有霧既日子

真係好掛住日日見到太陽既日子

人都開心D架

而每一日番工放工我又諗

到底我幾時先可以好似以前咁

一出門口上車

自由自在揸車去終點

唔洗同一迫巴士

迫到好似沙甸魚咁

但有時又真係諗下諗下就諗到架啦

話說放工時

我去搭巴士時

都覺得奇奇怪怪

點解個司機係咁揆既呢

D人又個個上去同佢傾兩句

到我先知

原來個八達通機壞左

叫我地上車算, 唔洗俾$$$

其實我地係可以俾conis架

我當然好surprise啦

香港樣樣講$$$, 居然會咁

我以前以為只有我以前讀書先會有架

(係呀, 我有一排試過日日同一班車, 都壞機)

原來香港咁可愛既!

係咪一直以黎我諗錯晒呢?

坦承

溝通同坦承

呢兩個TERM對每一段關係相當重要

本身我係一個思想簡單

唔會諗太多既人

 覺得我地每一日為開心

工作要揀開心既工作環境, 做得太辛苦要抖下

識朋友要識D志同道合, 要開心

同屋企人永遠都要過住開心既生活, 磨擦可以有幾少就幾少

所以

我絕對唔係放係心度

放住唔開心既野係心度

唔只係會影響心理, 仲會影響生理

會令人提唔起精神, 仲做野冇咁集中

係呀! 我做野要好集中先做得好

今日我講晒心入邊既野出黎

大家傾完, 比對方知道原來我係咁諗既

心都舒服晒

成日覺得

點解會估估下呢

我地已經成日要估老細個心諗咩

D SUPPLIER又會點

點解同屋企人, 朋友相處仲要估? 

咁樣太辛苦啦!

我地天生有把口有兩隻手

有時不防用把口講出黎

唔好意思既, 可以用對手寫呀!

而家科技咁發達

人地唔係我地肚入邊條虫, 唔係時時可以知道自己諗咩

P.S. 今日終於放下心中既其中王塊大石

仲有3塊石壓住我, 我頂得住架!

忙碌的生活有何不可

今日又有朋友黎探我地啦

呢個朋友真係唔話得呀

佢年年都黎香港

不過今次有D話黎就黎

每次見到大學時代既朋友

有一種莫名其妙既感覺

會特別開心, 年輕番幾年呀!哈哈

 不其然會唔小心講番之前既野

可能我地大家讀書既時候

都係的自己一個係外邊

冇屋企人, 自自然然大家會變得CLOSE D

所以我好珍惜每一次見面既機會

我地散落唔同既地方

可能見面真係唔易架!

今日少少既DINNER

令我從忙碌既生活中得以喘息!

由2月開始

跟"他"有個約會後

我就未有停過啦

 

好想係旅行前去染番D頭髮都冇時間呀!

一句Morning，一句Good night

每日起身可以聽到一句"Morning"

可以light up my day!

即使係Monday Blue都好

只要一個Morning

就可以對抗所以一切

 

點解一句Morning咁有用?

因為一句Morning

代表有人在乎你, 記得你

而一起身就同你講Morning

即係你係佢心中有一定份量

所以我好鐘意一起身同MAMI講Morning

有一種幸福既感覺

 

同樣地

一句Good night對我黎講都好有意義

一句good night可以總結一整日

我覺得講完句Good Night就好似一日所有野都完結一樣

跟住去訓覺, 等第二日既出現

由細到大都會同屋企人講Good Night

即使以前係澳洲既時候, 只有HOUSEMATES
我都會係大家CLOSE房門之前同大家講GOOD NIGHT

希望之後既每一天都可以講同聽到Morning & Good night

P.S. 今個學期好累呀! 自己開學以來, 我就覺得自己冇休息過
唔係番工就放工, 放工就番學, 放學跟住做功課
而放假日子...唔係星期日要學, 就係要係屋企做功課同溫定書
到底係咪迫得太緊要, 係咪唔應該揀讀咁多科?
慘? 又未算, 只要我諗住過埋今個學期就完啦
我就可以多D時間做想做既野
同埋唔慘...有書讀
我仲有MAMI DADI 家姐 "他"錫同一D體諒我既同事上司
所以...我邊慘, 簡直係幸福呀!


往事只能回味

由上星期二開始

又有番以前讀書時

由香港番澳洲既感覺呀!

就係一停LOOP之前係香港既一點一滴

每一日都諗番對上個日既同一時間做緊咩呢

而今次唔同既係

我冇離開香港

而家人地離開香港

我就係度諗番之前我地一齊既時間

係呀, 我知道可以同朋友相聚一次而又咁長時間唔係一件容易既事

由其大家要工作, 而又有自己既生活

可以放所有野放假一星期

當然唔係易事

但係當你習慣左一個生活足足一星期

要你即時去改變

知道嗎?

係有難度架!

Especially me!

所盡量都唔去諗

不過好似而家冇以前咁易解決到呢個問題

以前日日keep住自己好忙

日日番學放學跟朋友出去食飯傾計

但而家唔得啦

日日番工放工番學

每日番學總會經過一D個一星期成日去既地方

你話...唔LOOP番D畫面出黎就奇啦!

我已經盡量唔去諗

希望過多一星期會好D!

呢個世界科技發達!

可以有WHATSAPP

如果佢唔忙可以傾到的話!

My Valentine's Day

 

今年係一個好特別既情人節

中西夾埋一齊

19年先一次

而咁特別既一次都有我份!

"他"只係話可能可以係呢一日黎到冇Confirm過我

估唔到.....we can make it!

雖然前一日你咩野都冇講

但係...原來"他"自己靜靜雞去做左咁多野

真係估唔到

你之前話唔會有朱古力(哈哈, 朱古力好似應該係女仔送既!)

之前一直話冇買到禮物

點知

我一番到去, "他"就一樣一樣慢慢拎出黎

我見到朱古力已經好Supersied

點知仲有禮物tim

真係估唔到呀!

雖然我地今晚冇浪漫既dinner (哈哈, 我地真係食McDonald)

但有"他"同我已經好開心!

而且"他"又做左咁多咁細心既事!

希望下一年既情人節都可以一齊過!