2012工作回顧

出黎工作左都有年幾啦
今年...我完完整整咁係呢度做左野一年
咁就重溫下今年經歷過D咩先

2012年頭新一年新開始
去左飲開工茶
點知有一圍人叫左1XX幾碟點心, 所以姑寒老細唔搞春茗
今年利是奇多

3,4月個陣有一日比呀頭招左去傾計
呀頭:你都做左大半年, 你而家忙唔忙呀?
我:一般般啦, 都OK架
呀頭:有冇興趣TRAINING既野呀?
我:有架, 我咩都想試架
就係一句有
就由ASSISTANT, 變做TRAINING
從此, 唔再係妹仔了

6月個陣
我地終於請左個人番黎做我平日做既野
我都學習去教佢我識既野
點知....呢位同事個人有少少問題
1個月後就SAY GOODBYE
佢係我第一個教佢既野, 我都上左一課
呢個經驗好想死, 遲下再講

7月
經歷左第一次既小AUDIT
原來睇落冇咩野
入到去傾既時候, 真係好緊張!
全程幫忙, 真係見職見職, 仲見識到個惡搞之人

9月
請到番人啦!
我可以過D野比佢做
自己終於有時間做自己既野啦!

10月
平時咩都有佢頂既人, 今個月放假半個月
咁岩一個大既AUDIT今個月
之前好多野FOLLOW UP呀!
真係知咩叫忙, 同埋怕做得唔好, 好緊張!
最後都完美結束

10月
同時
我又去左一個大型TRAINING
見識到好多野, 都識到一D好有料既人
好好既學習機會

11月
我個伯樂即我呀頭離開公司
大家都好唔捨得佢
呢個消息都好突然!

12月
去左大陸上左個TRAINING
都幾有用, 而且見識到咩叫國家高層
當中好多笑料, 遲下再提
因為佢不下一次彈中國, 我覺得好奇怪!

黎到今日12月29日
係我今年最後一日番工啦

2012年發生既大事唔多
不過學識多左好多野, 係呢間公司雖然細
可以試好多野, 而家又有好呀頭比好多機會我
同事又HELPFUL
所以我番工既生涯係好開心架
就算番工時間長左少少, 遠左少少
都係值得既!

今日我進行左一次大掃除, 介紹下自己張台先!
`
OVERVIEW OF MY DESK
係L字型既, 我用LAPPY既, 好方便!
都算整齊掛!

我有好多野令自己番工開心
有KITTY杯, 番工第一日就有佢
仲有D可愛既夾仔

有好多自己既筆
用自己野開心D之餘, 唔怕用用下唔見左D文具呀!
同事成日唔小心就用左人地D野拎走佢!
P.S.每個FILE都有自己既貼貼, 每個貼貼代表一個人一樣野!

少少可愛既CLIP
真係好開心架!

 

呢D係用黎提自己同埋用完再用既貼貼!
我慳住用架!

最後我要同2012年講BYE BYE

明年會更好!

工作都可以好開心

近排大家都好忙碌地工作著
大家都好努力
人人都早早番工, 都冇咩休息呀
有時LUNCH TIME都要做野

加上最近有新同事黎左番工
要好好用心去教導(對!小妹都係做左1年野, 就要幫手教導佢啦)
因為公司小人MA
邊個識D咩都要教佢
不過唔知點解, 咩差幾年, 個人真係唔同好多
家陣D人好急功
未做好一樣野就好急住去做另一樣野
又成日想行SHORT CUT
唔通呢個係通病, 佢地叻, 定係我地既思想不一呢?
ANYWAY, 我地都希望用心去教導教導佢
希望佢唔會好似之前個個咁啦

我地做野雖然多野做
不過做得好開心架
我地總會忙裡偷閒
ENJOY每一個工作既MOMENT
當每一樣野都我地既學習, 自己就唔會覺得辛苦同悶

送上一張工作相先

 

帶晒佢地番屋企啦

 

今日唔帶飯
為既係一件好簡單既事
而又令我開心左2日

話說琴日我周圍問同事有冇人肯同我去食MC噹噹
但係就冇人肯
原來大家都咁健康

但係本小姐又想去WOR
目的係咩
好明顯係想換野姐

所以, 我決定唔帶飯
自己去食MC噹噹
好在
而家佢好人道
唔再好似以前咁
一個人只可以一次換一隻
而家可以一次帶晒佢地番屋企啦!
其實我有諗過成SET買
不過經過上兩次既教訓
都係唔好
因為D袋都唔知有咩用
而家仲唔見埋TIM!
所以...
我都係唔貪心, 要4隻算
我仲今日先知有"為食CARD" TIM!
我真係鄉下妹呀!

要換都快D帶佢地番屋企啦
佢地真係好可愛架

最愛紫色既滑0都0都
佢頂HAT真係好搞鬼

夢想之旅-馬爾代夫 :視察環境

由於前一晚太夜啦
而我地黎係渡假同RELAX既
冇理由迫自己晨早起身行出去食早餐GA MA
所以我地係前一晚就已經寫好早餐ORDER
只要畫好ORDER MENU, 跟住係每晚2點前放出房外邊, 第二日就會準時送到

 

就係咁
我地就唔洗梳洗行出去食早餐
準時10:00AM送到黎,仲有哥哥拎埋入黎
正!!!
我個人比較鐘意食西式野
其實佢仲有中, 日, 韓既
唔識英文都唔緊要, 有中文架!
一邊望住個360度大海景, 再食住個早餐
你呢....呢D享受係香港, 邊度搵到呀!

食完早餐就去搵件靚3出去行下先!

啦啦啦...呢間就係我間房啦, 一定要同佢影下相啦
真係唔影唔得呀!
仲有其實一直望到我身後有個小島個個位, D水位係仲可以企係度架!

沿路行出去都係椰林樹影
雖然佢係SUMMER
不過佢都幾舒服, 唔會覺得太熱既感覺!

係邊加手邊個個島其實係另一間HOTEL黎GA LA
不過我見好似細D既

就係咁架啦
食完LUNCH冇野做, 就周圍行下

而且第一日, 我地就周圍睇下有咩玩
同埋摸索下未來幾日就算去玩,都要係邊D位度等啦

我地行晒成個島都只需30-45分鐘到

成個島都幾好行架
不過海邊有好多海草, 有好多人用人手去執既
其實要游水我都會揀番自己秀一下跳落去游, 唔洗行出黎啦

D水真係清到咁架, 只係係我地琴晚上船附近
而且我發現D魚好似識霸地盤架
日日都係見到差不多色同埋差不多既魚係同一位置架!

下一篇就講有咩玩!

Maldives - 我終於都到啦

香港飛去Maldives好似我去澳洲一樣咁遠
真係好累呀原來
我地晏就上機, 由香港去新加坡再轉機, 一直飛, 飛到夜晚先到Male, 再轉船去CLUB MED
我地揀CLUB MED既原因其中就係唔洗坐水上TAXI, 位置比較近MALE
如果要住係D要搭水上TAXI既酒店, 就要係MALE度住一晚, 咁就浪費左一晚啦

我地去機場
就有CLUB MED既G.O.黎接我地啦
佢地好熱情架, 一見到我地就先先幫我地帶上一條手帶
而呢條手帶係辨認我地住咩房既

我地拖住疲乏既身軀上船
係短短既當個小時船程上, 我都訓著左呀!!! (係飛機上冇訓過呀! 8個鐘呀!)

到達CLUB MED既碼頭
遠遠已經聽到有PARTY既MUSIC (佢地今晚有SPECIAL EVENT喎)
跟住就有人黎WELCOME我地, G.O.們都永遠帶住笑容架!
去到"LOBBY"地帶就有唔同既人帶唔同既客去唔同既房
佢地有3隻房既, 我地揀左香港人最熱愛既水上屋 (所以要帶手帶, 因為只有我地先可以去到架)

一直沿路行入去房入邊, G.O.會不停同我地講解
其實條路都唔係好光, 我都有D怕架...!!!

我地被帶到去呢個MANTA (呢度係大家以後用WIFI既地方!)
飲完一杯WELCOME DRINK
再講解埋呢度既用途之後
終於帶我地去我地間房啦!


夜晚行呢度都要小心架
因為冇咩燈架!

一去開門見到間房
我地係心入邊狂歡(嘩嘩嘩!!!!真係好靚呀!

呢間房可以係香港既一間屋咁大啦
係咁易講晒成間房既設施, 同埋SHOW埋我地點落去個海度, G.O.就走左啦

先先見到呢D WELCOME DRINKS (AGAIN?)同埋一D小吃

再行入D, 呢張就係我地張床
見唔見, 永遠都冇可以係香港整到既公主床

再黎一人一邊, 唔洗爭, 可以好好咁放晒D野出反, 每條毛巾上都有小花瓣, 好有HEART架
而已D器皿都係用FROG造型既!

呢個好正既BATH AREA, 打開CURTIN就見到個海!

呢個係小廳, 好舒服架!

呢個位係我最鐘意既!
我係呢度睇到半本書架, 成個TRIP計

除左呢D之外
佢仲有個房仔係放衣服既
而且有COFFEE MACHINE, 係一粒粒CAPSULE沖出黎個度
房入邊既零食, 野飲, CUP NOODLES係日日REFILL, 冇EXTRA COST既!

興奮完,我地揀埋聽日既早餐就沖涼訓覺啦!
SWEET DREAM!

話別

番工既時間
見到一個小BB望住同一方向不停揮手
我就跟住呢個小BB既方向望過去
原來佢係度同一位婆婆說再見

呢一幕
令我諗起
自己細個個陣
婆婆送我番學既情境呀!
真係令人回味

讀幼稚園時
差不多每一日都係婆婆夠我等校車
個陣真係好開心架
因為我可以自己擁有同婆婆既時光
記得等校車既地方
有一棵木棉樹
當木棉樹花開既時候
婆婆有時會整D小玩意比我
個陣真係咩都玩得一餐架

又係等車既附近
有一棵洋紫荊
有次學校要我地有樹葉番學
我記得婆婆臨時抱佛腳拾起一塊樹葉放到我手中

可惜既係
呢D人同物都消失晒
幸好
我記憶仲好好
永遠都會係我回憶當中

當我望住個小BB既時候
真係由心度笑出黎

原來我仲掛住我婆婆架

Maldives - 序

馬爾代夫
係我既DREAM PLACE其中一個
當然仲有其他啦, 我係好貪心架!
呢個係一個好靚既地方
水清已經唔洗講
仲好有渡假既感覺, 我想要既旅行就係拋開城市既一切
好好地享受幾日唔洗用腦, 想點就點既假期!

由2011年開始工作起
我已經日有所思夜有所夢咁
希望2012年可以去到啦
當然生日附近既時間去到就最好了

於是
就開始PLAN
直到2012月既8月
我同我家姐(係呀, 我係同家姐去架, 冇男朋友MA!)
開始去SEARCH啦
跟住再去問PACKAGE啦
點知...
不幸既事情發生

由於馬爾代夫係一個渡假天堂
而且佢由10月至2月都係GOOD SEASON
我地本黎PLAN10月尾去既
當搵到岩心水既RESORT既時候
就要跟住即去問
點知, 一問之下, 就發現....
好多RESORT都好FULL
唔止我地香港會去
世界各地都會去
所以真係好FULL
搵到RESORT都好, 機票都唔係一件易事
由於要轉機, 要接駁得好
一直不停來來回回, EMAIL, 電話, 旅行社
搞左成個星期先完成搞掂(一個夢想之旅都要附出架!)

最後由打算10月22出發, 提早到10月18
同埋揀左CLUB MED-KANI
我覺得冇揀錯架, 而且i've loving it!!!

令人發笑

 

星期六
當大家都放假
自己就要7點爬起身番工
真係咪話唔惡頂
雖然番工係開心既
不過真係好眼訓同辛苦架

因為有時見人地FACEBOOK TAG左去邊度
自己仲要坐係度6點先可以走
係呀, 我番星期六都係番FULL DAY架
係咪好唔人道呢?
冇計, 工係自己揀既
鬼叫我鐘意呢份咩


講番我想講既野
MAMI好多宦鐘意親我唔係屋企
幫我間房清潔清潔既
次次都會有D可愛野架
今日放工番屋企就見到呢兩隻野啦
真係好鬼可愛架
沖完涼不特止
仲可以曬成個晏就太陽
最後仲布月光浴TIM
我都想好似佢地咁呀!

我MAMI真係好可愛架!

驚嚇回憶

今日見小強既次數真係太多
不得不勾起我既回憶

話說....

以前讀書既時候
我地好興星期四係家煮飯成班人食
跟住星期五or六就出街食
我屋企後邊條街就好多野野食既
如...
意大利野...
韓國野...
日本野....
中國野...
印度野...
"月"南野...
thai野...
馬來西正野...
(諗起都想食呀!!!!)

總之想食既野都有
行過去都應該10分鐘到

如果唔係夏天or落雨
我地都會行過去

不過
其實我好怕行個條路架
唔係怕黑, 唔係怕夜晚比呀布蝦
而係怕....
我天大既死敵
"小強大人"

事源有次
我開開心心食飽飽, 慢慢散步番家個陣
行經轉角位有個好大既坑x蓋, 仲要係黑色
夜晚又黑mama..個陣我仲要踢住拖好開心咁行緊
我一行到去個個蓋既上邊
可能我唔小心驚動到"小強大佬"
有at least 5,6隻一齊伸長晒d腳行出黎
個一下...
我好冷靜, 即9秒9跑番屋企

自此之後i swear以後夜晚要去後邊街食飯
一係揸車去, 一係行第二條路
真係嚇死我呀!

_________________________________________________________________________________
點解令我諗起?
因為我今日見"小強大佬"有3次之多
一次係公司, 一次食飯, 一次行緊番家個陣
唔通我既宿命係逃唔過"小強大佬"既魔爪?

勇敢

已經好耐冇試過咁耐啦
原來係香港嘗到都唔係咁怕
比我相像中真係差好多
都唔係人人咁衰架
大家都好禮讓
我覺得咁樣係好好架
起碼可以少D意外MA!

今日咁好彩家姐接埋我番屋企
番家既一程就由我黎揸車番家

哈!!!
咩都試過啦
塞車啦, 有大大巴士係我側邊啦, 有行人突然行出黎啦...ETC
留心D就OK

最搞笑係
比家姐笑
"咩你咁冇大志架, 揸係隻馬可以跑既, 都讓架巴士"
我只係怕佢整親家姐隻馬姐
小心D好, 最後我地都係比佢行得快咪得LOR!

我本黎以為自己會唔習慣
原來都唔係呀
我今次之後,
而家好有信心啦

其實我係一個好鐘意揸車
又鐘意遊車河既人黎架
唔知下次可以再係咁, 係幾時呢?

新BABY

一放工就急急腳走啦
我等左成半個月架啦
由好想正價買
到最後係團購見到佢
(團購真係好偉大呀!)
就對佢一見傾心

所以一有得拎, 我就去拎啦!
今日終於可以同佢好好相處啦

講真
佢播出黎既音, 真係唔差
雖然我唔係一個好識分好定差
不過最少佢唔會有雜音同怪呀
個BASS都OK架
而且真係好可愛又靚WOR!
令我間房又再靚D!

我決定每日佢都要陪我一陣先訓!
正!

感動時刻

 

岩岩睇完TVB個"感動時刻"
睇完
我真係好感動呀!

我真係好感動可以去一個原來咁靚既地方生活
佢勾起我既回憶
每個我去過既地
有D係同唔同既朋友去啦
唔同既朋友揸車經過啦
因為唔同既事去啦

見唔見隻袋鼠仔?
我相信佢係岩岩電視入邊主持人嚇親個隻黎架
真係可愛到震呀!

打後既幾集
都會令我勾起大大小小既回憶
不論Perth or Cape Town
佢地真係我生命當中
最precious moment 既地方呀!

原來幸福就是.....

自從工作以後
我比以前更珍惜的既假期
更珍惜所有既星期六日
由其星期六

因為平時番工係長短週既
而且我所謂既長週係要番全日架!

今日終於係我等左5日等來既假期
由其經歷完一個心驚膽跳既星期四五
呢一日真係得來不易呀!

朝早可以訓到自然醒, 多麼的幸福!
眼都未開得晒就可以食LUNCH, 多麼的幸福!
食完LUNCH, 一直同亦舒談情說愛到深宵, 多麼的幸福!
11點幾都仲可以係度打BLOG, 多麼的幸福呀!

其實我最鐘意既假期
就係今日咁
係可以懶懶閒咩都唔做HEA住咁過
有一種回到讀書既時候, 只係爭在夜晚冇煮假晏就冇去SUPERMARKET
點解人人都要係放假既時候排到自己密密麻麻
總係要四圍去先安樂!

生活就係咁簡單!
唔需要好多
只係跟住自己想要既路去走, 已經係最開心了!

幸福, 原來可以好簡單!

神秘的貓喵

近排公司既男男女女都為佢地發狂
女的在換
男的要為老婆女朋友換

但係每個星期一
都有一隻被遺忘係我桌上
而每次都係聽完我平時講完
下一個星期一番黎就見到架啦

真係好奇怪
點搵都搵唔到個兇手
我見佢地咁可憐被遺棄
我當然好心收留佢地

不過實不相瞞

小妹其實靠自己已經換到一套了
仲有埋本書呀!
真係開心死我

係公司既棄貓我都會一樣咁錫佢地架

有佢地兩隻陪住我係公司做野
又真係會開心D既

不過最想都係想搵兇手出黎啦
唔通咁快就有小FANS (其實我唔想有)

 

精神食精

呢排都係係屋企多
日日都搵工搵工同搵工
都唔知點解SEND左D CV出去都冇人理
係咪我有問題?
定係佢地其實唔等人用
隨便POST下D AD.架
如果係咁, 就唔好比希望我啦

唔知家姐怕我係屋企悶定咩
我個零食埋而家月黎月多野食啦
就快FULL啦

呢個月雖然冇咩野做
不過我練多左琴呀
我鐘意個隻歌快要練好
可以再搵第二隻啦

希望快D搵到野做
日日係屋企都唔係幾好!

你地老了

 

他們是什麼?
他們是the dearest temperature & humidity data logger
佢地真係好可愛架
何解?
因為佢地太有情格
不吃乾電, 要吃濕電
不聽電腦, 一定要用人手
即使安排好, 都不乖乖把記錄記好
喜歡就跟你溝通到
不喜歡就當你有寶

請你好好跟我合作吧
我對住你地已經半個星期了
可以乖乖做個好孩子
聽聽話話比我做埋D手尾
你好時我又好
好冇呢?

再唔係
我發火你就死
一手掃跌晒你地
睇你地仲點樣有情格
到時你地真係老到要退休啦!

聽日好比我搞掂得晒你地啦!

難忘的CONCERT

 

今日係開心的一天
我等左成個星期, 就係同佢地會面啦
細細就聽佢地D歌
點知
第一次去聽佢地既LIVE
就係佢地既最後一次
雖然係有D唔捨得
不過, 好在仲有CD聽下

佢地個FAREWELL真係好正
好有氣候架
最鐘意佢地有同我地玩
又有講下野

好鐘意佢地隻" BEAUTIFUL WORLD"!

我地好乖架
佢叫raise up your hands, i did
turn on the little spot light, i did

應該會係我最鐘意既CONCERT排名3位之內啦!
希望佢地過多幾年反口, 又黎過啦...HAHA!

P.S. 佢地晏就應該係W HOTEL架, 我晏就都係佢側邊既RITZ CARLTON JA MA
我地真係好近架!