風的感覺

天氣熱啦

家家戶戶都開fan或冷氣

而我地家都一樣

今日豆豆B第一次比風吹

因為佢第一次比風吹，有不同既感覺

佢比風一吹就好緊張

當佢喊緊比風吹佢又會冷靜番

好得意架！

學識食奶咀

豆豆B係大約5星期大既時候唔知點解成日喊

我地真係冇佢辦法架！

當時就諗唔知食奶咀按撫下佢會唔會好D

但個陣比佢，佢居然拒絕啜奶咀呀！

太不可思疑啦！世界上那有唔啜奶咀既BB架！

於是我就放棄左！

就係今日我要去做野，唔可以望住佢，佢又喊

所以我決定再試下比佢用！

點知！今次一比佢就起勢咁啜，仲啜啜下自己訓左呀！

好得意呀！

佢仲傻到訓著左冇左個奶咀都仲以為自己啜緊

BB有時真係好得意架！

我要好好記住你既每一次！

因你，而感動

昨晚食飯既時候已經覺得好唔舒服

一直只係覺得自己累

因為今日老公同左我去行山，為左我可以生豆豆舒服一啲

但番到屋企見血月黎月多

到到11點我仲可以好冷靜咁沖涼

仲食埋老公既愛心麵

跟住老公就睇定去醫院條路，諗住一陣自己開車上醫院

食飽沖完涼就大家打算訓一個鐘就去醫院

點知未夠一個鐘我已經唔得啦

因為好多血但未破羊水

所以決定去醫院

先打電話比家姐

係屋企樓下等

一落到去屋企樓下就有一架的士

跳上的士都唔洗開口，司機已經知去邊

由於去到醫院已經成1點幾

所以要去急症個邊

好好彩，今晚急症無人喎

我又好快可以入醫

今次係人生第一次坐wheel chair

好快就上左去婦產科

問一啲基本野就檢查

嘩！一檢查原來已經開到6度啦！

但我依然未覺得好痛

nurse好好人

一邊送我入產房一邊教我呼氣

入到產房，駁好晒野就start to wait

係產房既時間真係好長

好在有老公係度陪我

望住個鐘一分一分鐘呠過去

nurse就黎check住

而每次既陣痛我都同自己講，好快會過去既

而且旁邊又黎左另一個準媽媽生緊

佢痛到死去活來咁

所以我以為自己唔算痛

一直堅持唔用止痛，諗住生個一下真係好痛先用

到4點幾羊水先破

跟住就應該好快就可以生

每次既陣痛都要忍住唔可以亂用力

到6點幾就nurse入黎準備

跟全佢地同我講可以生啦！

呢個時候我問可唔可以用止痛

因為我怕生個一刻真係會好痛

但nurse話生係咯用得同埋我都可以忍到

keep住忍埋佢

最後一切就緒

nurse一講可以用力

唔洗兩下豆豆就出左黎啦

已經比我抱住係心口

原來真係好感動

仲比豆豆啜我

skin touching

老公就同我一起迎接左豆豆既到來

一直抱住豆豆，nurse幫我needling，所有野都無感覺啦！

多謝老公一直陪住我！

豆豆B就係2月22日 07:08出世啦

歡迎你加入我地

我地會用一切方法去愛你

要幸福！

預感

豆豆B你知唔知呀

媽咪我感覺到你呢幾日就會出黎啦

我又期待，又唔捨得，又怕

期待⋯⋯係因為可以真真正正見到你

可以知到你到底真係長成點樣，唔再係超聲波睇既黑白

可以同你互動，可以聽到你依依呀呀既叫聲

可以睇到你手舞足動既樣子

唔捨得⋯⋯係因為你足足係我肚入邊已經10個月

呢10個月我去邊都帶住你去邊

而且呢10個月都只有我感覺到你

感覺到你郁啦，你既heart beat

所有只有我同你既magic moment

怕⋯⋯係因為我怕痛，怕不知所措

我唔知咩叫10級痛，唔知咩叫陣痛

怕你出世後我唔一定做到一個好媽咪

怕我地仲有喲咩未準備好

但我都希望你可以係2月22日出世

呢個咁得意既日子

未來唔怕有人唔記得你既出生日

而且健健康康咁出世就可以！

今日你爹爹帶左我去大潭行山

行多喲可以容易喲生你出黎

唔洗痛咁耐

P．S．我覺得今日你會係我肚入邊既最後一日，所以我急住同你爹爹做晒所有事。

豆豆19wks啦!

豆豆呀豆豆

原來你已經有成19wks咁大粒啦

今日MAMI解開你神秘既面紗

你原來同DADDY MAMI一樣鐘意趴係度訓

你個咀仔MAMI係最鐘意既

你咁樣訓覺太可愛啦

醫生搵你對腳仔個陣

你又曳曳咁郁黎郁去

今次可以睇晒你所有器官

又再次CONFIRM你係健康既!

你知道嗎?

其實你係男女都唔緊要

最緊要你健健康康黎到呢個世界

咁樣我地就好滿足啦!

你係MAMI個肚入邊再多幾個月就可以出黎啦

希望之後我都一直可以養得你肥肥白白

我要令你成為全世界最幸福既小朋友, 同MAMI一樣咁幸福!

存在

今日一整日聽到好多negative既消息

雖然唔係發生係我身上

但每次我聽到一D有關生離死別都特別不是味兒

總會不小心眼紅紅

 

我知道

人生總會經歷

但總係唔希望發生係自己身上

 

特別係呢幾年

去旅行, 可以一個炸彈炸走咁咁多

係一個好開心既PARTY就令咁多大好青年離開

連大家成日覺得好安全既飛機都出世

 人生無常

我都成日安慰自己

人生著幾多食幾多係整定

要令自己每一個過得開心就足夠

 

但因為人漸長大

就好怕身邊既人離開自己

例如....好怕爸爸媽媽總有一天會離開我

例如....分手後總要用好多既時間去沖淡

 

所以可以同佢地每人相處

我都盡量開開心心咁過

因為我怕可以個一次既見面會係最後一次

 

多謝咁多人係我身邊存在

我會好好珍惜你地

捉緊你地

有時我捉得你地太緊, 只係因為我太捨不得你地

請原諒我吧!

回到CURTIN時

今日終於抽到時間番學校行下啦

 

佢改左名呀

以前叫curtin internation collete

而家叫curtin college

呢間college令我又驚又喜又緊張呀!

真係心血少D, 我早就唔可以係度打BLOG啦!

 

再黎就係我既UNI啦

係呀, 兩間學校都係同一個compus

所以我既6年時間最多都係呢一區, 同埋我屋企, 哈哈!

行過好多既熟悉又陌生既地方

building 400係我自己public health既地方 

 

呢度係全間學校最多人係度HEA既地方

因為呢個夏又好舒服

有太陽又唔係孟

好多人可以係度舒舒服服enjoy sunshine

慢慢食lunch!

呢D樹真係我地學校既singnature

會有松果掉下來

又會有烏鴉係上邊HEA

 

 

 呢度係另一HEA點

CANTEEN就係度, 最鐘意佢地既SALAD BAR

又好味又抵食

你塞幾多都係個個價, 最鐘意可以"CUP"得埋個蓋

 

我地行緊去我既building 啦!!!!!!!

登登!!! 就係佢啦

幾MODERN

我畢業時都有係同一個位影相架!

 

今次番PERTH

我覺得最大既轉變應該呢間學校

好多野都係既陌生又熟悉

多左好多格格不入既building

但都總可以係某個角落搵得番你要搵既野

 

希望佢唔會變得太多

因為佢真係我留下好多回憶既地方

希望下次番黎我依然可以搵番我鐘意既curtin!