你做咩架?

"你做咩架?"
出黎做野之後, 應該聽得最多係呢句
ESPECIALLY見到D AUNTIE同埋家姐既朋友時, 一定會被問到

對唔熟而家唔多想答既人,我會...
我:我係公司既大打雜黎架
問:唔係掛, 大學生畢業喎...
我: 係真架, 公司咩野野小事都叫我做既

對住認真既人, 我會...
我:我做XX既QA呀!
問:嘩...好PRO喎
我:唔係架, 其實都係做公司入邊一切大小事, 就黎連TOILET都叫我去洗啦
問:講笑啦呀妹...

其實...
人地每一次問, 我都唔知應點答好
QA係做咩呀? 我當然知道自己做咩啦
不過又真係好難解比你人知...
QC當然好易可以話比人知, 我係做LAB架, 即係化驗個D呢
但係QA呢?
又唔係真係要落手落腳去做TEST(當然有D公司係要, 而我岩岩入職都要做少少TEST)
又唔比一般OL咁, 只係坐係度日日做差不多既野

其實...
我真係似公司既大打雜
我地既PRODUCT發生問題, 要我地幫手去搵問題既原因
平時有時都會去CHECK下佢地既PROCESS
而大家點樣樣做野, 都要幫手TRAINING
有D咩VALIDATION, 都要幫手架
當然, 我都係半個OL, 都要做下DOC. 既野, 又唔係成日周圍走(雖然好多時都要周圍走)
但係細至一D公司少少既RULE都要去跟, 例如:公司個FRIDGE可以放D咩唔可以放D咩, 都要我地理

其實壓力大唔大?
睇下咩人既姐, 我由細到大都冇咩壓力感
有D人可以覺得趕DEADLINE好大壓力
而我呢...成日覺得ON PLAN做野, 一定唔會做唔完!
容我講一句風涼話"我做左差不多2年野, 都只係OT過3日JA"

睇完我要做D咩, 其實真係似打雜, 不過個名真係好聽D!

所以...我其實名副其實為一個"打雜"
不過係一個做得開心又稱心既打雜!
我好鐘意我份工架!
如果人工多少少, TITLE再好聽少少, 就硬好啦

P.S. 今日真係打雜到唔打雜, 連鞋櫃都幫大家執埋! 勁呀呢所以而家條腰好累!