愛 回家

我已經期待左成幾個月既今日啦!

點解?

因為我已經有差不多10年冇番過自己中學啦

之前既所有佢既open day我都冇時間番去

 

咁岩今年70週年

當然有大事, 我地身為寶血人都要去助慶一番啦!

 

今次番去真係好開心!

本黎諗住唔知有咩人會去呢

而家我係呢間學校讀左5年, 之後已經走左

但原來番到去好有感覺

 

呢個感覺係由我好朋友係我屋企樓下等我一齊番去

仲行左好耐都冇行既長命斜

今日唔洗帶住書包行, 好似特別輕鬆!

 

睇到以前好耐好耐既野都仲係度

例如我地個年開始拍CARD點名提我地記得拍CARD個張NOTICE啦

以前每一日行既樓梯啦

去左以前我地視為禁地既地方

 

仲搵得番我地畢業既名牌!

係呀! 原來我係寶血人呀!

我既好朋友同同埋因為呢個呀SIR, 所以我中文PASS左, 同一課書最少測驗4次, 唔PASS都幾難!

安安教識我地機會成本, 一世都記得呢個TERM, 同埋佢既自然鬈!

係佢呀係佢呀, 令我永遠記得"春眠不覺曉"呀!

呢個係我中五既副班主任, 教我CHEM既

 

當晚都仲集左好多好多老師既合照!

 

今次番去, 我地覺得, 原來變得最多係我地

而完全冇變既係我地既老師!

 

我地呢個晚上玩左好多猜猜我是誰!

有好幾個老師都記得我地!

我都已經覺得好開心!

 

中學

係一個令我開心滿足既地方

都可以算係一個我大學時一個base

我估我冇讀過呢間學校, 唔會覺得讀書其實唔難!

小學考試溫書一定會喊, 永遠係唔太好個幾班成長

到中學都會讀書讀到喊, 喊係因為怕唔夠時間溫書

亦都會自動自覺溫書, 年年考入比較好既班, 所有基本上大部同學都由中二開始同班到中五

中學又係令我成為一個外向既性格, 當年參加好多唔同既活動學會

雖然我唔係讀咩名校

但我覺得我地係一個大家庭

直到大家畢業多年, 都仲有KEEP IN TOUCH

一見面就冇所不談!

 

今晚真係樂而忘返呀!