話別

番工既時間
見到一個小BB望住同一方向不停揮手
我就跟住呢個小BB既方向望過去
原來佢係度同一位婆婆說再見

呢一幕
令我諗起
自己細個個陣
婆婆送我番學既情境呀!
真係令人回味

讀幼稚園時
差不多每一日都係婆婆夠我等校車
個陣真係好開心架
因為我可以自己擁有同婆婆既時光
記得等校車既地方
有一棵木棉樹
當木棉樹花開既時候
婆婆有時會整D小玩意比我
個陣真係咩都玩得一餐架

又係等車既附近
有一棵洋紫荊
有次學校要我地有樹葉番學
我記得婆婆臨時抱佛腳拾起一塊樹葉放到我手中

可惜既係
呢D人同物都消失晒
幸好
我記憶仲好好
永遠都會係我回憶當中

當我望住個小BB既時候
真係由心度笑出黎

原來我仲掛住我婆婆架